Təhlükəsizlik

Ödənişə Etiraz (Chargeback)

Ödənişə etiraz (Chargeback) nədir?

Chargeback kart istifadəçisi ödənişlə bağlı emitent banka etiraz etdikdə baş verir. Ödənişə etiraz, kart
istifadəçisinin xəbəri olmadan əməliyyat aparılması və ya əməliyyatın aparıldığı üzv biznes ilə
anlaşılmazlıq halında baş verir. Ödənişə etiraz nəticəsində üzv biznes ilə əlaqə saxlayan banka tələb
etdiyi məlumat və sənədlər bütöv təqdim olunmadıqda və ya qeyri-kafi olduqda ödəniş məbləği üzv
biznesdən alınaraq kart istifadəçisinə ödənilir. Ümumiyyətlə, chargeback təsdiq edilməmiş
əməliyyatlar, təkrar və ya fərqli məbləğdə əməliyyatlar, çatdırılmayan, qüsurlu məhsul və ya xidmət
və s. səbəblərdən qaynaqlanır.

Beynəlxalq ödəniş sistemləri tərəfindən kart sahiblərinə verilən ödənişə etiraz hüququnun bank
tərəfindən qiymətləndirilməsi və yekunlaşdırılması məcburidir. Dəstək komandamız bütün kart
ödənişlərində qarşılaşa biləcəyiniz ödəniş etirazları ilə bağlı prosesin ən qısa zamanda həlli üçün
çalışır.